Software libre e xestión de “bancos de tempo”

O concello murciano de San Javier promove Bancodeltiempo.org, un espazo que ten como obxectivo proporcionar ferramentas para a xestión de proxectos de economía social.

Con esta filosofía procederon a adaptar e localizar en español o programa Cyclos, unha ferramenta de código aberto que facilita a posta en marcha e a xestión de “bancos de tempo”.

Cyclos, que xa vai pola súa versión 2.2 en español, pode conseguirse gratuitamente –antes hai que estar rexistrado aínda que o rexistro é de balde- na zona de descargas de Bancodeltiempo.org onde tamén poderemos obter os correspondentes manuais do usuario e do administrador do sistema.

A versión en galego de Cyclos? Pois unha fronte máis na que traballar :-)